Profesori Seb Bytyqi, ka folur rreth raportit të progresit për Kosovën nga Komisioni Evropian, ku ka thënë se raportit është i mirë për Kosovën. Sipas Bytyqit, raporti i progresit e vë theksin të stabiliteti politik.
Bytyqi ka folur edhe për liberalizimin e vizave për Kosovën, që sipas tij, Bashkimi Evropian (BE) ka nisur një fushatë që ta përmirësojë imazhin e tij në Ballkanin Perëndimor.
“Bashkimi Evropian ka arritur një mirëkuptimi se duhet ndryshuar se nuk mund të vazhdohet me refuzime sikurse në të kaluarën”, ka thënë Bytyqi, teksa ka shtuar se Gjermania dhe Franca kanë arritur pajtim që një çështje e tillë të përfundohet duke e aprovuar liberalizimin e vizave për Kosovën.
Ndër të tjera ai ka theksuar se BE-ja në të kaluarën nuk e kishte përfillur rolin e saj në Ballkanin Perëndimor dhe kjo kishte ndikuar që BE-ja të kishte një imazh jo të mirë në Kosovë.
Profesori Bytyqi ka shtuar se për shkak të neglizhencës se BE-së në Ballkanin Perëndimor ishte rritur edhe ndikim nga Kina e Rusia.
“BE-ja, Kinën dhe Rusinë i sheh si rival, që të mos themi armiq. Me nisjen e luftës në Ukrainë, BE-ja e ka parë se nuk është e garantuar pamja apo imazhi i mirë në Ballkanin Perëndimor ose besnikëria. Me të vërtetë duhet t’i shpërblej shtetet e Ballkanit Perëndimor”, ka shtuar ai.
Ai ka përfunduar duk shtuar se BE-ja ka ndërruar qasjen e saj tani. Ajo do t’i shpërblejë shtetet që punojnë, edhe për të ruajtur orientimin Perëndimor, duke i ua vlerësuar punën e tyre në rrugën integrues.