Presidenti i Këshillit Evropian, Charles Michel, synon të garojë në zgjedhjet e ardhshme evropiane dhe të hyjë në Parlamentin Evropian.
Kjo nënkupton se nëse Michel zgjidhet, atëherë ai do të heqë dorë nga posti i kreut të Këshillit Evropian.
“Kam vendosur të kandidoj për zgjedhjet evropiane në qershor të vitit 2024”, ka thënë Michel, raporton “Der Standard”.
Pas zgjedhjeve – në fund të qershorit dhe në fillim të korrikut – krerët e shteteve dhe qeverive të BE-së mund të diskutojnë më pas për një pasardhës të postit të Presidentit të Këshillit, tha Michel.
Udhëheqësit e vendit do të duhet gjithashtu të vendosin se kur pasardhësi do të marrë detyrën.
“Është relativisht e lehtë të organizosh pasardhësin,” tha ai për gazetën “Le Soir”.
Michel donte ta zhvillonte fushatën zgjedhore në atë mënyrë që të mos cenoheshin përgjegjësitë e tij si President i Këshillit Evropian.
Michel mori postin në dhjetor 2019. Ai kërkon të kryejë detyrën deri në betimin e deputetëve, që është planifikuar për 16 korrik.