Kryeminstri portugez, Antonio Costa, tha se Evropa duhet të gjejë një zgjidhje të përbashkët ndaj krizave të shumta, me të cilat po përballet, njësoj siç bëri gjatë përballjes me pandeminë COVID-19.
Për “euronews”, Costa ka diskutuar dhe në margjinat e një kongresi të socialistëve evropianë gjatë fundjavës.
“Kur u përballëm me COVID-in, u mblodhëm. Ne dhamë një përgjigje të përbashkët dhe kjo na ndihmoi ta kapërcejmë këtë krizë,” tha Costa.
Kryeminstri portugez ka theksuar se vendet e BE-së ishin afër gjetjes së një “përgjigjeje të përbashkët” për të adresuar krizën energjetike, duke shtuar se ata duhet të forcojnë ndërlidhjet dhe të mbështesin bizneset, vendet e punës dhe të ardhurat e familjes.
“Për shembull, për ndryshimet klimatike dhe politikat drejt tranzicionit energjetik, është e qartë për të gjithë tani, ne duhet të përshpejtojmë tranzicionin energjetik sepse kjo varësi që kishim nga Rusia, është një dobësi për Evropën nëse duam të jemi autonom. Nëse duam për të forcuar aftësinë tonë për të ndikuar në shoqërinë globale, ne duhet të jemi të pavarur nga energjia”, tha Antonio Costa.
Costa ka deklaruar se mund ta kapercejnë këtë situatë, duke formuar besimin e njerëzve, njësoj siç kanë vepruar në krizat e mëparshme.