Lindita Rugova, dekane në Fakultetin e Filologjisë, ka folur më shumë rreth betejes së saj me kancerin, përballjen e mosdorëzimin.
Edhe pse ende po lufton me këtë sëmundje, Rugova thotë se gjërat po i merr me pozitivitet.
“Unë jam diagnostikuar me kancer në gji në vitin 2011, për herë të parë në dhjetor e pastaj i kam përcjellë procedurat e shërimit të shkallës së dytë, kam pasur dy operacione,” tha Rugova në emisionin “Rreth e Rrotull”.
Rugova tregoi që në një periudhë kohore i është qetësuar organizmi deri në kohën e pandemisë.
“Covidin e kam pasur dy herë dhe ka shkaktuar një lloj murtaje brenda organizmit, pavarësisht që e kam kaluar në shtëpi, por ka shkaktuar një aksion të qelizave kancerogjene, e pas covidit vërehej një ngritje e tumormarkerëve që rezultoi me diagnostifikimin e dytë në shtator të vitit 2021.”
Kështu duke u përballur me kancerin, Rugova tregoi që tash kishte kancer në mushkëri e falë terapive dhe diagnozës që e ka, ajo ka 2 vjet e gjysmë që merr një kimioterapi “Target”, e cila është më pak e dëmshme për organizmin.
Motiv për jetë, Rugova thotë se i ka fëmijët e mbështetjen e familjes, duke pasur parasysh momentet e rënda në jetë.
“Motiv janë fëmijët, mandej vetvetja e pastaj familja, por dhe vetë jeta, përpiqem gjithmonë të bëj zgjidhje, mundohem të shkoj në të gjitha variantet e mundshme e të gjetjes së zgjidhjes”.
INTERVISTA E PLOTË: