Dendias: E ardhmja e Ballkanit është Evropa, jo rindërtimi i Perandorisë Osmane

Shefi i diplomacisë greke, Nikos Dendias, ka thënë se në Ballkanin Perëndimor synohet që të shtrijnë ndikimin vendet si Turqia e që sipas tij dëshirojnë t’i shfrytëzojnë lidhjet historike dhe fetare për t’i arritur qëllimit e tyre

Ministri i Jashtëm grek Nikos Dendias

Ministri i Punëve të Jashtme i Greqisë, Nikos Dendias, ka reaguar pas vizitës së presidentit të Turqisë, Rexhep Tajip Erdogan, në Ballkanin Perëndimor, duke thënë se e ardhmja e BP, është në Bashkimin Evropian.

Më tej, Dendias ka pretenduar se Turqia dhe shumë vende të tjera janë të interesuara që të kenë ndikim në Ballkanin Perëndimor, duke i shfrytëzuar lidhjet historike, ekonomike dhe fetare përpiqen të depërtojnë në rajon.

“Evropa është e ardhmja e Ballkanit dhe jo rindërtimi i Perandorisë Osmane”, kështu është shprehur shefi i diplomacisë greke.

Ai ka thënë se kryeministri i Shqipërisë, Edi Rama, mban lidhje të ngushta me të parin e Turqisë Erdogan, por kjo nuk e ndalon atë që të ketë “një perspektivë e cila do të thotë se Shqipëria do të jetësojë plotësisht një kod parimesh dhe vlerash në kundërshtim me riekzaminimin kritik të historisë (revizionizmin)”, ka thënë ai në një intervistë për gazetën greke “Parapolitika” raporton Topchanel, transmeton Portali Dukagjini.

Tutje, ai ka theksuar se Serbia dhe Turqia kanë marrëdhënia të mira.

Edhe Greqia me Serbinë kanë raporte shumë të mira por sipas tij, shumica e shteteve në rajon kanë zgjedhur integrimin evropian si qëllim strategjik të tyre.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika