Dodge i famshëm për ofrimin e makinave me motorë të mëdhenj dhe të fuqishëm V8, po heq dorë nga disa nga makinat e tij ikonike ‘muskulore’ me djegie të brendshme në favor të vetuarve me energji elektrike.
Për t’i lehtësuar fansat në këtë epokë të re, kompania ka zgjedhur të imitojë disa ndjesi ‘muskulore’ të makinës, dhe duke përfshirë ndërrimin e marsheve dhe një shkarkim me zë të lartë, në një makinë koncept elektrike që zbuloi të mërkurën.
Është pjesë e një ndryshimi të përgjithshëm nga Dodge, divizioni amerikan i makinave me performancë të Stellantis, drejt automjeteve të elektrizuara.
Makinat muskulare aktuale të markës me djegie të brendshme, Charger dhe Challenger, i japin fund prodhimit vitin e ardhshëm. Makina me koncept muskulare, e quajtur Dodge Charger Daytona SRT, i ngjan një modeli që do të dalë në shitje në vitin 2024, sipas drejtuesve.
Këtij modeli do t’i bashkohet edhe një SUV i vogël i quajtur Hornet që do të jetë i disponueshëm si një hibrid plug-in dhe do të dalë në shitje më vonë këtë vit.
Charger Daytona ka tuba shkarkimi që bëjnë zhurmë dhe një transmision që ndërron marshin. Asnjë nga këto nuk është e nevojshme në një makinë elektrike, natyrisht, por Dodge supozon se klienti i tij i synuar nuk është duke kërkuar atë që nevojitet rreptësisht.
Këta klientë janë në kërkim të adrenalinës, tha CEO i Dodge, Tim Kuniskis, i cili kërkon më shumë sesa thjesht përshpejtim të shpejtësië, shkruan CNN Business.
“Ne mendojmë se do të sjellim një makinë në treg që klientët nuk e kanë menduar se do të vinte”, ka thënë ai.
“Por ata patjetër do ta dëgjojnë kur të vjen”, ka shtuar ai.
Charger Daytona prodhon tone të ulëta dhe të forta trokitjeje që tingëllojnë paksa si pajisje elektrike të tensionit të lartë. Tingujt nuk prodhohen nga altoparlantët, si tingujt nga shumica e makinave elektrike, por nga pulsimet e ajrit të detyruara përmes tubave me gërvishtje dhe dhoma brenda.
Impulset e ajrit ndryshojnë shpejtësi dhe forcë në varësi të shpejtësisë së ecjes së makinës dhe sa fort shtypet përshpejtuesi, njësoj si pulset e ajrit të krijuara nga një motor me djegie të brendshme. Tingujt që prodhon mund të jenë deri në 126 decibel, sipas Dodge.
Ky është niveli në të cilin veshët fillojnë të lëndohen dhe shumë mbi nivelet në të cilat ekspozimi i vazhdueshëm mund të shkaktojë humbje të dëgjimit, sipas Shoqatës Kombëtare të Ruajtjes së Dëgjimit.