Dy persona janë arrestuar nën dyshimet për tentim vrasje me thikë ndaj dy personave të tjerë.
Viktimat, sipas Policisë së Kosovës, janë dërguar në QKUK për trajtim mjekësor.
Dy të dyshuarit janë dërguar në mbajtje, ndërkaq, personi tretë i dyshuar sipas njoftimit të policisë është ende në arrati
“Raportohet se pas një mosmarrëveshjeje verbale, tre të dyshuar meshkuj kosovarë, i kanë sulmuar fizikisht me thikë dy viktima meshkuj kosovarë. Dy viktimat janë dërguar në QKUK për trajtim mjekësor. Në vendin e ngjarjes është gjetur dhe konfiskuar një thikë, ndërsa dy prej të dyshuarve janë arrestuar dhe pas intervistimit me vendim të prokurorit janë dërguar në mbajtje, ndërsa njëri nga të dyshuarit është në arrati”, thuhet në njoftim.