Pika kufitare mes Kosovës dhe Serbisë, Dheu i Bardhë, vazhdon të jetë e ngarkuar nga fluksi i madh i bashkatdhetarëve që po kalojnë përmes kësaj pike kufitare, e cila ua mundëson hyrjen në territorin e Kosovës.
Kështu bëhet e ditur në të dhënat e publikuara nga Qendra Kombëtare për Menaxhim Kufitar. Pritjet për në hyrje te Dheu i Bardhë zgjasin 120 minuta, ndërkaq në dalje prej 3 deri në 5 minuta.
Kolona në hyrje të kësaj pike raportohet të jetë nga 1 mijë e 200 metra.
LEXO EDHE: Vazhdojnë kolonat në hyrje të Dheut të Bardhë, qytetarët presin afër 2 orë
Në vendkalimin kufitar në Muçibabë, bashkatdhetarët presin 40 minuta, ndërsa në Mutivodë pritjet tani janë 10 – 15 minuta.
Kolona e veturave për në hyrje te vendkalimi kufitar Muçibabë është deri në 400 metra.
Ndërsa, në vendkalimet e tjera kufitare, nuk ka probleme të pritjeve të gjata, bashkatdhetarët hyjnë dhe dalin nga Kosova me pritje të shkurtër prej 3 deri në 5 minuta.