Ministrja e Punëve të Jashtme e Kosovës, Donika Gërvalla në takimin në Vjenë me liderë të Ballkanit Perëndimor, shteteve të tjera dhe përfaqësuesit të lartë për Politikë të Jashtme të Bashkimit Evropian, Josep Borrell ka ngrehur nevojën që të ndërmirren veprime konkrete për ruajtjen e paqes dhe stabilitetit në Ballkanin Perëndimor.
Në këtë takim ministrja Gërvalla ka bërë thirrje për shpejtim të procesit të anëtarësimit në BE.
“Para homologëve nga shtetet pjesëmarrëse, në dy panele të ndara shpalosa qëndrimet e Republikës së Kosovës rreth sigurisë në Evropë dhe në rajon, reformat e thella të ndërmarra për sundim të ligjit, ngritjen e nivelit të demokracisë dhe zhvillimin ekonomik si dhe bëra thirrje për përshpejtimin e procesit të anëtarësimit në Bashkimin Evropian si dhe nevojën e ndërmarrjes së veprimeve konkrete për ruajtjen e paqes dhe stabilitetit në Ballkanin Perëndimor”, ka shkruar Gërvalla në Facebook.