Ndeshja mes Rahovecit dhe Dinamos, e vlefshme për xhiron e 17-të në Ligën e Parë, Grupi B, do të zhvillohet në stadiumin “Jahja Danuza” në Rahovec.
Këtë e ka konfirmuar vetë klubi përmes një postimi në Facebook.
Megjithatë, ky vendim i Komisionit të Garave, që funksionon në kuadër të Federatës së Futbollit të Kosovës (FFK), duket i çuditshëm.
Për arsye se stadiumi “Jahja Danuza” nuk është në gjendjen e saj më të mirë.
Shkaku i kushteve të stadiumit, Rahoveci këtë sezon disa nga ndeshjet e saj si vendas i ka luajtur në Malishevë dhe Suharekë.
TV Dukagjini ka kontaktuar edhe zyrën për media të FFK-së për këtë çështje, megjithatë nuk ka marrë përgjigje.
Zyra për media e shtëpisë së futbollit kosovar nuk kthen përgjigje për televizionin që një kohë të gjatë.
Rahoveci është e shtata në tabelë me 20 pikë, kurse Dinamo renditet në pozitën e parë me 31 sosh.
Kjo përballje luhet të shtunën me fillim nga ora 13:00.
