Deputeti i Partisë Demokratike të Kosovës (PDK), Bekim Haxhiu, ka deklaruar se partitë opozitare e kanë të vështirë të mbajnë një qëndrim konstant ndaj veprimeve jokonstante të kryeministrit të Kosovës, Albin Kurti.
Haxhiu ka theksuar se kjo vështirësi e opozitës, e jo vetëm e PDK-së, paraqet një sfidë në raport me veprimet e kryeministrit dhe menaxhimin e situatës në veri të Kosovës, si dhe procesin e dialogut Kosovë- Serbi në përgjithësi.
“Problemi është se e para jo vetëm PDK-ja, por opozita në tërësi e ka pak vështirësi që të ketë një qëndrim konstant kundër veprime jokonstante të kryeministrit dhe veprimeve atë hov të tij me situatën në veri dhe menaxhimin e procesit të dialogut në tërësi”, ka deklaruar ai në Debat Plus.
Ndër të tjera, ai ka kritikuar kryeministrin Kurti, duke thënë se nuk po ka guxim ta vizitojë kryetarin e Leposaviqit, Lulzim Hetemi.
Sa i përket tensioneve të vazhdueshme në veri të Kosovës, Haxhiu ka thënë se problemi nuk është te kryetarët e komunave veriore, por problemi mbetet te kryeministri.