Hiqen tarifat doganore për mallrat kosovare për në Shqipëri

Ministria shqiptare e Financave ka vendosur të bëjë një përjashtim si shkak i marrëveshjeve që dy vendet kanë për heqjen e barrierave doganore. Tashmë, një kamion që kalon mallrat nga pikat kufitare të Shqipërisë do t'i ketë kostot afro 14 euro më të ulëta se më parë

Morinë

Tarifat doganore për mallrat me origjinë kosovare që kalojnë përmes pikave kufitare të Shqipërisë janë hequr me vendim të Kabinetit Qeveritar të Shqipërisë.

Një vendim i tillë ka ardhur si vazhdim i Ballkanit të Hapur dhe njëherësh, një ndihmë të cilën shtetet anëtare, Shqipëria, Serbia dhe Maqedonia e Veriut janë duke ia dhënë njëra-tjetrës përgjatë krizës së çmimeve të larta.

Megjithëse Kosova nuk është pjesë e kësaj nisme, Ministria shqiptare e Financave ka vendosur të bëjë një përjashtim si shkak i marrëveshjeve që dy vendet kanë për heqjen e barrierave doganore.

Aktualisht, tarifat janë 6 euro për parkimin, 7 euro për peshimin dhe 50 centë për vendosjen e bllombës doganore. Tanimë, një kamion që kalon mallrat nga pikat kufitare të Shqipërisë do t’i ketë kostot afro 14 euro më të ulëta se më parë.

Kosova është një nga burimet kryesore ku bizneset shqiptare shesin mallrat.

Përgjatë periudhës janar-maj, eksportet e Shqipërisë drejt Kosovës kanë arritur 132 milionë euro, ndërsa kanë importuar 49 milionë euro.

Në Maqedoninë e Veriut, Shqipëria bleu 55.2 milionë euro mallra dhe shiti 62 milionë euro.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika