Në Kosovë tashmë është konfirmuar rasti i parë i virusit “Ethet e Nilit”.
Instituti Kombëtar i Shëndetit Publik, këtë të mërkurë, ka dhënë më shumë detaje lidhur me rastin.
Në njoftimin e IKShPK-së thuhet se “pacienti fillimisht ka qëndruar në Shëngjin e më pas edhe në Ulqin, derisa pas kthimit nga Ulqini i janë shfaqur simptomat”.
“Pacienti është duke u trajtuar në Klinikën Infektive të Qendrës Klinike Universitare të Kosovës”, thuhet në njoftim.
Po ashtu, Instituti Kombëtar u bën thirrje qytetarëve që të kenë kujdes nga mushkonjat.
Përmes fotografive ka sjellë informacione për virusin e Nilit Perëndimor, mënyrën e përhapjes, simptomat, mënyrat e parandalimit, diagnostikimin dhe trajtimin e tij.