Instagram thotë se vendndodhja e saktë nuk shpërndahet kurrë

Instagram thotë se pretendimet virale që sugjerojnë se etiketimet e vendndodhjes mund të zbulojnë vendndodhjet e sakta të përdoruesve janë të rreme

Ilustrim

Disa postime dhe video virale kanë thënë se një ndryshim i “vendndodhjes së saktë” në cilësimet e vendndodhjes së aplikacionit në pajisjet iOS dhe Android mund të ndajë vendndodhjen e saktë të dikujt me përdoruesit e tjerë të Instagram.

Disa postime virale sugjeruan se ky ishte rezultat i një përditësimi në Instagram ose iOS.

Por Instagram tha që nuk është i vërtetë ky informacion dhe se ky funksion nuk ndan vendndodhjet me përdoruesit e tjerë.

Çfarë është ‘vendndodhja e saktë’?

Cilësimi u zbulua për herë të parë për përdoruesit e iPhone dhe pajisjeve iOS në përditësimin vjetor të sistemit operativ të Apple, iOS 14, në vitin 2020. Ky cilësim u prezantua nga Google për Android 12 në vitin 2021.

Ai u jep përdoruesve mundësinë për t’i ofruar disa aplikacioneve një vendndodhje më të saktë.

Ndërsa tani shihet nga disa si një veçori e diskutueshme, ajo u vlerësua kur u lansua për herë të parë si një mënyrë për të përmirësuar privatësinë e përdoruesit në pajisjet celulare, sepse ofron një

alternativë për aplikimin e përgjithshëm të shërbimeve të vendndodhjes.

Cilësimi aktivizohet automatikisht për përdoruesit në aplikacione të cilave u është dhënë leja për të pasur akses në vendndodhjen e tyre.

Për aplikacionet ku vendndodhja e saktë është e çaktivizuar, vetëm një vendndodhje e përafërt do të identifikohet dhe përdoret.

Ilustrim

Kur aktivizohet në cilësimet e vendndodhjes së një aplikacioni, ai u jep atyre leje të përcaktojnë një vendndodhje të saktë duke përdorur GPS për qëllime të caktuara, zakonisht për udhëtime ose për mbledhjen e sfondit dhe të dhënave private të përdoruesit.

Përdorimi i tij ndryshon nga aplikacioni në aplikacion.

Për shembull, Uber mund ta përdorë atë për të përcaktuar vendndodhjen tuaj kur rezervoni një udhëtim, ndërsa në Snapchat përdoret për Snap Map – ku përdoruesit mund t’ua tregojnë vendndodhjen e tyre në një hartë përdoruesve të tjerë nëse ata i kanë dhënë leje aplikacionit ose nuk kanë aktivizuar opsionin privat “ghost mode”.

Si funksionon në Instagram?

Disa nga postimet virale thanë se për shkak të një përditësimi të ri iOS ose Instagram, njerëzit mund të gjejnë vendndodhjen tuaj të saktë kur ndani vendndodhjen tuaj në postime.

Ata gjithashtu thanë se nëse përdoruesit do të postonin një vendndodhje të përgjithshme të një qyteti, njerëzit do të ishin ende në gjendje të shihnin saktësisht se ku jeni si ‘pin’ në një hartë.

Ata vazhduan duke thënë se kjo veçori po përdoret nga kriminelët për të synuar njerëzit, veçanërisht frymëzuesit (influencers), në internet.

Pretendimet u përhapën si infografikë, video në TikTok dhe ‘memes’ që u bënë virale – me disa persona që u kërkonin përdoruesve të çaktivizojnë vendndodhjen e saktë në Instagram menjëherë.

Instagram nuk i është përgjigjur kërkesës së BBC News për koment mbi pretendimet, por postoi një sqarim rreth mënyrës se si e përdor këtë cilësim.

Ilustrim

Ekipi i Instagram PR, InstagramComms, shtoi: “Për të qenë të qartë, ne nuk e ndajmë vendndodhjen tuaj me të tjerët. Ngjashëm me kompanitë e tjera të mediave sociale, ne përdorim vendndodhjen e saktë për gjëra të tilla si etiketimet e vendndodhjes dhe veçoritë e hartave.”

Për shembull, përdoruesit me vendndodhjen e saktë të aktivizuar do të shohin opsione për vendndodhjet më afër tyre kur përpiqen të shtojnë një gjeoetiketë në një postim në Instagram.

Kreu i Instagram-it Adam Mosseri citoi përgjigjen e Instagram-it në Twitter, duke përsëritur se shërbimet e vendndodhjes janë një cilësim i pajisjes në telefon dhe jo një veçori e re e Instagramit.

“Ne nuk e ndajmë vendndodhjen tuaj me njerëz të tjerë,” shtoi ai.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika