Veçoritë e iPhone 15 po shfaqen kohë pas kohe në media, kur kanë mbetur edhe pak muaj deri në lansimin e tij nga kompania Apple.
Informacioni i fundit tregon se modelet e iPhone 15 Pro mund të kenë një rritje çmimi, gjë që do të ndodhë për herë të parë që nga viti 2017.
Në raportin e tij, analisti Jeff Pu tregoi rritjen e mundshme të çmimit për modelet iPhone 15 Pro dhe 15 Pro Max.
Ai thotë se arsyeja e rritjes së çmimit mund të jetë shtimi i përmirësimeve të shumta në këtë seri.
Këto përmirësime mund të përfshijnë butona të fortë të energjisë dhe volumit, një lente periskopi, më shumë RAM dhe një portë më të shpejtë USB 3.2 Type-C.
Për më tepër, telefonat do të përdorin strategjinë e Appleit për zbatimin e çipave të ndryshëm në modele me dhe pa Pro.
Modelet Pro ka të ngjarë të përdorin çipat A17 Bionic.
Kjo nuk është hera e parë që flitet për rritje të mundshme të çmimit për modelet iPhone 15 Pro. Raportimet e mëparshme sugjeruan që iPhone 15 Pro do të ketë çmim fillestar prej 1.099 dollarë, ndërsa 15 Pro Max mund të kushtojë 1.199 dollarë në versionin bazë.
Është një rritje prej rreth 100 dollarësh, e cila do të shkaktojë pakënaqësi te shumë përdorues. Mbetet për t’u parë nëse kjo do të reflektohet në modelet iPhone 15 dhe 15 Plus.