Ismaili i PDK-së e akuzon ministrin Peci se për dy vjet në kabinetin e tij e ka mbajtur një person me aktakuzë

Ish-kryetari i Shtimes, Naim Ismaili e ka akuzuar ministrin e Bujqësisë, Faton Peci se e ka mbajtur si këshilltar në kabinetin e tij për dy vjet një person i cili ka pasur aktakuzë për vjedhje votash

Naim Ismaili- PDK

Ish-kryetari i Shtimes dhe njëkohësisht anëtar i PDK-së, Naim Ismaili e ka akuzuar ministrin e Bujqësisë, Faton Peci, se për dy vjet e ka mbajtur në kabinetin e tij një person me aktakuzë për vjedhje votash.

Ismaili ka thënë se personi i akuzuar tashmë është dënuar dhe se sipas tij ai është Enis Osmani.

“Skandalet në Ministrinë e Bujqësisë, që drejtohet nga Faton Peci nuk kanë të ndalur. Këshilltari i tij politik, Enis Osmani është dënuar dje për vjedhje votash në zgjedhjet e parakohshme për Kuvendin e Kosovës në vitin 2017. Pra, ministri Peci për dy vjet në kabinetin e tij ka mbajtur një person me aktakuzë, tashmë të vërtetuar”, ka thënë ai.

Ish-kryetari i Shtimes, ka thënë se pas emërimit të familjares së presidentes Vjosa Osmani në Ministrinë e Bujqësisë, rasti me këshilltarin që është dënuar së fundmi është shembull i punësimeve pa integritet profesional e moral nga ministri Peci.

“Pas emërimit të tezakes së presidentes Osmani, Venera Çerkini, drejtoreshë në Agjencionin për Zhvillim të Bujqësisë, skandali me këshilltarin është një tjetër shembull i punësimeve dhe rehatimeve të familjarëve pa integritet moral e profesional nga ky ministër”, ka thënë ai.

Sipas tij, gjetjet e Raportit të Auditorit në Ministrinë e Bujqësisë evidentojnë një varg shkeljesh me keqpërdorimin dhe keqmenaxhimin e parasë publike.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika