Kryeprokurori i Prokurorisë Speciale të Republikës së Kosovës, Blerim Isufaj, në një prononcim për RTV Dukagjini, e ka konfirmuar se Prokuroria Speciale ka nisur hetimet për rastet e sulmit ndaj Policisë së Kosovës dhe pjesëtarëve të KFOR-it.
Sipas tij, hetimet janë duke u zhvilluar dhe organet e sigurisë kanë identifikuar sulmuesit.
Ndërsa, në ngjarjet e fundit në veri të Kosovës kanë mbetur të plagosur 5 pjesëtarë të Policisë së Kosovës.
Të paktën 30 ushtarë të misionit paqeruajtës të NATO-s në Kosovë, KFOR, kanë mbetur të plagosur si pasojë e përleshjeve me qytetarët serbë në komunën e Zveçanit në veri të Kosovës, bëri të ditur misioni përmes një njoftimi për media.
“Duke iu kundërvënë turmës, disa ushtarë të kontingjentit italian dhe hungarez të KFOR-it ishin objekt i sulmeve të paprovokuara dhe plagëve të marra trauma me thyerje dhe djegie nga shpërthimi i mjeteve ndezëse”, thuhet në njoftim.