Konfirmohet që helikopteri në të cilin gjendej presidenti i Iranit u rrëzua në male

Një helikopter që transportonte presidentin iranian Ebrahim Raisi dhe ministrin e tij të jashtëm u rrëzua të dielën teksa po kalonte terrenin malor në mjegull të rëndë, tha një zyrtar iranian për Reuters.

Zyrtari tha se jetët e Raisit dhe ministrit të Jashtëm Hossein Amirabdollahian ishin “në rrezik pas rrëzimit të helikopterit”, i cili ndodhi gjatë rrugës së kthimit nga një vizitë në kufirin e Iranit me Azerbajxhanin.

“Ne jemi ende me shpresë, por informacionet që vijnë nga vendi i përplasjes janë shumë shqetësuese”, tha zyrtari, duke folur në kushte anonimiteti.

Moti i keq po ndërlikonte përpjekjet e shpëtimit, njoftoi agjencia shtetërore e lajmeve IRNA. Shefi i shtabit të ushtrisë iraniane urdhëroi që të gjitha burimet e ushtrisë dhe elitës së Gardës Revolucionare të viheshin në përdorim në operacionet e kërkim-shpëtimit.

Një helikopter që mbante Presidentin Ebrahim Raisi, 19 maj 2024/ Reuters

Televizioni shtetëror ndaloi të gjithë programet e tij të rregullta për të shfaqur lutjet për Raisin në të gjithë vendin dhe, në një cep të ekranit, mbulimin drejtpërdrejt të ekipeve të shpëtimit të vendosura në këmbë në zonën malore në mjegull të dendur.

Ekipet e shpëtimit pritej të arrinin në vendin e rrëzimit më vonë të dielën në mbrëmje, njoftoi TV shtetëror.

Banorët vendas i thanë gazetarit të IRNA se ata dëgjuan “tinguj” në rajon pak kohë më parë. Më shumë se njëzet ekipe kërkimi dhe shpëtimi të pajisura plotësisht, duke përfshirë dronë dhe qen snifer, janë dërguar në zonë.

 

Shija e redaktorit

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Të fundit nga rubrika