Konfiskohen mbi 50 kg marihuanë, arrestohen pesë persona

Policia e Kosovës ka njoftuar se janë arrestuar katër persona dhe janë konfiskuar mbi 50 kg drogë të llojit mariuhanë

Policia e Kosovës, ka njoftuar se në aksionin e tyre kundër krimit të organizuar, në jug të Mitrovicës dhe në qytetin e Fushë Kosovës, ku janë konfiskuar mbi 56 kg drogë të llojit mariuhanë, me c’rast janë arrestuar edhe pesë persona të dyshuar.

“Një operacion të ngjashëm e ka realizuar edhe sot në orët e hershme të mëngjesit në rajonin e Mitrovicës Jugu dhe në Fushë Kosovë, i cili ka rezultuar po ashtu me arrestimin e pesë (5) personave të dyshuar dhe konfiskimin e mbi pesëdhjetë e gjashtë (56 kg) substancave narkotike të llojit marihuanë”, thuhet në njoftimin e policisë.

Të arrestuarit sipas njoftimit të policisë, janë S.B  në Fushë Kosovë i cili po drejtonte një veturë të tipit Mercedes, në Vërmicë është evidentuar i dyshuari tjetër B.R, kurse në Mitrovicë të Jugut janë takuar me të dyshuarin tjetër me inicialet N.M.

“Si rezultat i hetimeve dhe veprimeve policore fillimisht në lagjen Uglar të Fushë Kosovës është identifikuar i dyshuari (transportieri) i parë (S.B,) i cili drejtonte një veturë të tipit Mercedes, me të cilën transportonte substancën narkotike të fshehur në bunkerin e modifikuar të veturës. Më pastaj përmes Pikës Kufitare Vërmicë ka hyrë edhe i dyshuari i dytë (B.R,) me veturën e tij po ashtu të tipit Mercedes, i cili ka vazhduar në drejtim të Mitrovicës Jugu ku e priste personi i tretë (N.M,), me të cilin kanë vazhduar në shtëpinë/garazhin e të dyshuarit e cila gjendej në fshatin Vaganicë”, thuhet në njoftim të Policisë.


Më vonë gjatë aksionit, janë arrestuar edhe personi i katërt dhe i pestë, të dy me inicialet (A.M,).

Përveç substancave narkotike, Policia e Kosovës, ka konfiskuar edhe  3 vetura të tipit Mercedes (dy me targa te Shqipërisë një me targa vendore, që të tria me bunker të modifikuar në të njëjtën mënyrë), 7 telefona celularë, 10mijë e 507 si dhe disa monedha Lek te Shqipërisë dhe Denar te Serbisë.

Katër të dyshuarve sipas policisë, u është caktuar masa e ndalimit mbi dyshimin në përfshirje në blerje, posedim dhe shitje e paautorizuar e substancave narkotike psikotropike dhe analog.

Ndërsa i dyshuari i fundit vazhdon në procedurë të rregullt.

Në vend të ngjarjes është gjetur edhe një bunker që të dyshuarit e kanë përdorur për qëllime të jashtëligjshme.

Sipas policisë, ky aksion është në vazhdën e aksionit të ditës së martë, të realizuar në veri të Mitrovicës, ku ishin katër persona dhe ishte shkatërruar një laborator i kultivimit të drogës.

 

Shaktërrohet një laborator ku kultivohej droga në Zveçan, arrestohen katër persona

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika