Sot janë konfiskuar rreth katër mijë copë detergjent “Ariel”, të cilët ishin të falsifikuar.
Kështu ka bërë të ditur Dogana e Kosovës, duke shtuar se sipas dispozitave ligjore në fuqi, mallrat e falsifikuara nuk lejohen të dalin në qarkullim të lirë.
“Dogana e Kosovës është e përkushtuar maksimalisht në luftimin e falsifikimit dhe piraterisë dhe si rezultat i zbatimit efektiv të të drejtave të pronësisë intelektuale, Dogana e Kosovës pas pranimit të konfirmimit nga bartësit e të drejtave ka konfiskuar mallin e falsifikuar, preparate për larje dhe pastrim të në sasi rreth 4000 copë. Sipas dispozitave ligjore në fuqi, mallrat e falsifikuar nuk lejohet të dalin në qarkullim të lirë”, ka njoftuar Dogana e Kosovës.