Kryeprokuroria e shtetit me vendime të tjera për rastet e dhunimeve

Përveç caktimit të 10 koordinatorëve nëpër prokurori të Kosovës, që do merren me trajtimin e rasteve që kanë të bëjnë me veprat penale kundër intergritetit seksual, zyra e kryeprokurorit ka marr edhe vendime të tjera. Një ndër to është edhe kontaktimi i qendrës për punë sociale. Por, Drejtorëve të këtyre qendrave, një praktikë e tillë ka qenë veçse duke u zbatuar

Foto ilustrim

Kontaktimi i qendrës për punë sociale, për rastet e dhunimeve seksuale, është njëri nga vendimet që Zyra e Kryeprokuroti të shtetit ka marrë për trajtimin me prioritet të këtyre rasteve.

Në një përgjigje nga Zyra e Kryeprokurorit të shtetit, është thënë se në kuadër të caktimit të 10 koordinatorëve të rinjë për penale kundër integritetit seksual, janë marrë edhe vendime të tjera.

Vendim tjetër është edhe organzimi i ligjeratave, në shkolla fillor e të mesme, lidhur me vetëdijesimin e nxënësve për këtë kategori të veprave penale.

“Nga momenti i nxjerrjes së vendimit koordinatori nga Zyra e Kryeprokurorit të Shtetit, ka mbajtur takime me koordinatorët nga prokuroritë themelore dhe është përpiluar raport i veçantë për këtë kategori të veprave penale me të dhëna për të dyshuarit, veprat penale për të cilat ngarkohen, në cilën fazë të procedurës gjenden këto lëndë. Raporti është përpiluar për vitin 2021 dhe për 9 mujorin e vitit 2022″.

“Gjithashtu, ndër të tjera janë ndërmarr edhe këto vendime: Të bëhet unifikimi i procedurave në mes të prokurorëve në trajtimin e këtyre rasteve. Të kontaktohet Qendra për Punës Sociale me qëllim që të njëjtit të jenë pjesë e koordinimit me prokurorët që trajtojnë këto raste. Në bashkëpunim me policinë dhe prokurorinë të organizohen ligjërata nëpër shkolla fillore dhe të mesme, lidhur me vetëdijesimin e nxënësve për këtë kategori të veprave penale”.

Por, sipas drejtorit të qendrës për punë sociale në komunën e Gjilanit, një praktikë e tillë ka qenë edhe në të kaluarën, derisa ka shtuar se për herë të parë kanë pasur takim me përfaqësues të kryeprokurorisë.

Mursel Zymberi, Drejtor i Qendrës për Punë Sociale, Gjilan

“Këto çështje nuk rregullohen me vendime të prokurorëve, por kjo është çështje ligjore që do të duhej të rregullohej, sidoqoftë roli i qendrave për punë sociale, roli i punës sociale është i tillë, që me patjetër duhet punëtori social të ketë pozicionin kyç, në situatë të tillë të dhunimeve dhe keqtrajtimeve seksuale, apo trafikimit”, ka theksuar Zymberi.

Njëjtë thotë dhe Vebi Mujku, drejtor i qendrës për punë sociale në Prishtinë, i cili shton se përkundër kapaciteteve të limituara që kanë, punëtorët social janë duke dhënë maksimumin.

Vebi Mujku, Drejtor i Qendrës për Punë Sociale, Prishtinë

“Kjo ka qenë vetëm sa për të rikujtuar ata se çka duhet të bëjnë, sepse kjo ka qenë funksionale, dhe vazhdon të jetë funksionale, sepse në secilin rast ku kemi të bëjmë me viktima të dhunës qoftë ato seksuale, dhunës në familje apo formave të tjera të dhunës së trafikimit, në secilin rast kur paraqitet prokurori, ne jemi të ftuar nga policia e prokuroria”, ka potencuar Mujku.

Caktimi i koordinatorëve për veprat penale kundër integritetit seksual, erdhi pas rastit të dhunimit 11 vjçares në Prishtinë. E mitura ishte dhunuar dy herë brenda dy muajsh dhe për këtë rast në paraburgim tashmë janë 12 persona.

Sipas, zyrës së kryeprokurorit të shtetit, vendimet dhe koordinatorët e emëruar, kanë për qëllim që të ngritet çështja e llogaridhënies, mbikëqyrjes dhe efikasitetit në zgjidhjen e këtyre rasteve.

Ky institucion ka bërë të ditur se si shkak i rritjes së numrit të rasteve të dhunës në familje, janë shtur dhe dy prokurorë për dhunën ne familje, në Pejë e Prizren.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika