Kryeministri i Kosovës, Albin Kurti, ka pritur në një drekë pune të martën e 20 nëntorit, Ministrin e Jashtëm të Greqisë, Nikos Dendias.
Siç njofton Zyra e Kryeministrit, në takim është biseduar për mundësitë e thellimit të marrëdhënieve ndërmjet Kosovës dhe Greqisë.
Ndër të tjera, janë theksuar edhe raportet e shkëlqyeshme ekzistuese mes të dyja vendeve.
Tutje, siç shkruan Zyra e Kryeministrit është diskutuar edhe për çështjet aktuale, zhvillimet rajonale, përspektiva zhvillimore dhe integruese e Ballkanit Perëndimor.
Kurti, ka theksuar perspektivën evropiane të Kosovës dhe aspiratat e Republikës së Kosovës për integrimin e mëtutjeshëm në organizata ndërkombëtare.
Ndryshe, Ministri i Punëve të Jashtme të Greqisë, Nikos Dendias, të martën ka qëndruar për vizitë zyrtare në Kosovë, që është pritur nga homologia e tij nga Kosova, Donika Gërvalla.
Ndërsa të hënën ka nisur vizitën në vendet e Ballkanit Perëndimor.