Të enjten do të mbahen dy seanca plenare.
Këtë e ka bërë të ditur shefja e grupit parlamentar e Vetëvendosjes, Mimoza Kusari Lila, pas mbledhjes së Kryesisë së Kuvendit.
Ajo ka thënë se seanca e parë do të fillojë në orën 10:00 dhe është me kërkesë të 40 deputetëve lidhur me kontratat njëburimore.
Ndërkaq, seanca e dytë sipas saj, do të fillojë në orën 12:00, pjesë e së cilës do të jenë shqyrtimi i pikave të papërfunduara nga ato të kaluarat.
“Nga mbledhja e rregullt e kryesisë sot u morën disa vendimi, nga agjenda seancave plenare për këtë javë është caktuar më 28 mars në orën 10:00 sipas kërkesës së deputetëve seanca e jashtëzakonshme me temë sikur të javës së kaluar. Ndërsa në ora 12:00 është një seancë tjetër plenarë pjesë e së cilës do të jenë shqyrtimi i pikave të papërfunduar nga seancat e kaluar”, ka deklaruar ajo.
Kusari Lila po ashtu ka bërë me dije se më 11 prill do të mbahet një seancë e veçantë, në përvjetorin e 25-të të Betejës së Kosharës.