“Ky krim do të dënohet rëndë”, thotë Osmani për vdekjen e 14-vjeçares në Shkup

Ministri i Jashtëm i Maqedonisë së Veriut, Bujar Osmani, ka shprehur zemërimin dhe zhgënjimin e tij në lidhje me vdekjen e Vanja Gjorçevskas, një vajzë 14-vjeçare e cila ishte zhdukur ditë më parë. Ministri ka njoftuar se ky krim do të dënohet ashpër dhe ka shprehur bindjen e tij se Prokuroria dhe Policia janë duke punuar për të zbardhur çështjen në detaje

Ministri i Jashtëm i Maqedonisë së Veriut, Bujar Osmani, ka reaguar në lidhje me rastin e vdekjes së 14-vjeçares së zhdukur një javë më parë, duke thënë se kjo ngjarje është “një tragjedi e tmerrshme”.

Osmani, përmes një shkrimi në rrjetin social “Facebook”, ka paralajmëruar se ky krim do të dënohet ashpër.

“Vdekja e parakohshme e Vanjës është një tragjedi e tmerrshme që na ka prekur të gjithëve. Ngushëllimet e mia të sinqerta familjes dhe të afërmve; mendimet tona janë me ju, megjithëse e dimë se asgjë nuk mund ta kompensojë zbrazëtinë tuaj”, ka thënë Osmani.

“Ky krim do të dënohet rëndë, për çka jam i bindur se Prokuroria dhe Policia kanë vënë të gjitha kapacitetet e tyre për të zbardhur me kujdes dhe saktësi rastin deri në detaje”.

Ai tutje ka deklaruar se do të zbulohen të gjitha detajet e këtij rasti.

“Opinioni me të drejtë kërkon transparencë të plotë. Sado tragjike apo e frikshme të jetë, duhet të përballemi me të gjitha motivet dhe detajet e këtij rasti; jo vetëm për t’i hequr spekulimet dhe manipulimet e shumta, por edhe për t’u pjekur si shoqëri, për të edukuar fëmijët tanë, që të mos harrojmë”, ka përfunduar ai.

Ndryshe, Policia dhe Prokuroria maqedonase kanë njoftuar se kanë gjetur trupin e pajetë të Vanja Gjorçevskas, vajzës 14-vjeçare e cila ishte zhdukur një javë më parë në Shkup.

Dyshohet se pesë persona, përfshirë babain e vajzës, kanë lidhje me këtë ngjarje.

Një trup tjetër i pajetë është gjetur në Veles dhe autoritetet thonë se dy rastet kanë lidhshmëri, apo janë kryer nga të njëjtit autorë.

Sipas organeve policore dhe Prokurorisë, motivi për kryerjen e vrasjeve besohet të jetë “përfitimi material”.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika