Në Kuvendin e Kosovës ka filluar votimi i marrëveshjeve ndërkombëtare.
Në Kuvend është miratuar marrëveshja ndërkombëtare për Rehabilitimin e linjës hekurudhore 10 B.
83 deputetë e kanë dhënë votën e tyre për këtë marrëveshje ndërkombëtare, duke përfshirë deputetë nga pozita dhe opozita me përjashtim Partinë Demokratike të Kosovës (PDK).
Kjo marrëveshje e votuar tashmë është një marrëveshje e financimit në mes të Kosovës, përfaqësuar nga Ministria e Financave, Punës dhe Transfereve dhe Bankës Evropiane për Investime për projektin “Rehabilitimi i linjës hekurudhore 10 B”.
Ndër të tjera, shefi i Grupit Parlamentar të Partisë Demokratike të Kosovës ka ironizuar me partitë e tjera opozitare, LDK-në dhe AAK-në, duke u thënë se “çfarë ju bonën kështu?”.
Ndryshe, në Kuvendin e Kosovës, seanca plenare ka nisur me një orë vonesë.
Sipas njoftimit të Kuvendit, kjo seancë ishte paraparë të niste në orën 10:00, ndërsa ka nisur në orën 11:00.
Ndërsa, në rend të ditës janë 27 pika.