Lideri ‘popullor’ Vuçiq, duke përshëndetur askënd

Presidenti serb, Aleksandar Vuçiq, gjatë udhëtimit në një linjë të re hekurudhore në Serbi, është parë duke ia bërë me dorë askujt, duke pretenduar se është një turmë e mbledhur njerëzish për të festuar linjën e re hekurudhore.

Veprimi i tij është parë si “një nga metaforat më të mira për ndërveprimet politikan-votues që kam parë prej kohësh”, shkruan në Twitter Yugopnik.

Ngjarja ka ndodhur në trenin e ri promovues, i cili ka një shpejtësi prej mbi 180 kilometra në orë, në linjën Beograd – Petrovaradin.

Një postim me një video tjetër nga ai udhëtim kishte bërë edhe faqja e rrjetit social Instagram, Buducnostsrbijea e Aleksandar Vuçiqit, me mbishkrimin e videos, “Për herë të parë në trenin e Stadler, 200 km në orë nëpër Serbi! – Presidenti i Republikës së Serbisë, Aleksandar Vuçiq, mori pjesë në udhëtimin promovues të trenit të ri të shpejtësisë së lartë “Stadler KISS” në linjën Beograd-Petrovaradin”.

Gjestet e Vuçiq, duke ia bërë me dorë kinse një mase të madhe njerëzish, duke pretenduar se është një “lider i madh”, i cili po përmbush nevojat e qytetarëve të tij, dhe se për këtë ata janë duke e falënderuar, po shihen si një manovër tjetër populiste në prag të zgjedhjeve serbe.

Por, e vërteta që shihet në video qëndron krejtësisht ndryshe. Vuçiq shihet i shoqëruar në tren, ndërsa jashtë trenit, kur ai fillon të bëjë me dorë, nuk ka asnjë njeri në metro, pas pak janë disa njerëz por që asnjëri nuk e përshëndet. Në vazhdim të videos, kur sërish Vuçiq fillon të bëjë me dorë “masës qytetare”, shihen disa njerëz duke ecur në park në një distancë shumë të largët, të cilët as nuk e shohin liderin “fuqiplotë”, duke i përshëndetur.

Zgjedhjet serbe presidenciale dhe për kuvend do të mbahen të dielën e 3 prillit, ndërsa Vuçiq është njëri ndër pretendentët kryesor për president të ri të Serbisë.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika