McDonald’s ka në plan të rihapet në Kiev dhe Ukrainën perëndimore

Gjigandi i burgerëve ka bërë të ditur se do të ketë një rihapje me faza gjatë disa muajve të ardhshëm në Kiev dhe Ukrainën perëndimore, në zonat që konsiderohen të sigurta

Restorantet e McDonald's në Kiev janë mbyllur që nga marsi

McDonald’s ka njoftuar se planifikon të rihap pikat në Ukrainë, të cilat u mbyllën pas pushtimit të Rusisë, në mars.

Zinxhiri i ushqimit të shpejtë tha se shpresonte se masa do të ndihmonte në rivendosjen e një “ndjesie të vogël por të rëndësishme të normalitetit”.

Do të ketë një rihapje me faza gjatë disa muajve të ardhshëm në Kiev dhe Ukrainën perëndimore në zonat që konsiderohen të sigurta, tha gjigandi i burgerëve.

McDonald’s kishte më shumë se 100 restorante në Ukrainë para fillimit të konfliktit.

Kompania ka vazhduar të paguajë paga për më shumë se 10,000 punonjës që atëherë.

“Ne kemi folur gjerësisht me punonjësit tanë të cilët kanë shprehur një dëshirë të fortë për t’u kthyer në punë dhe për të parë restorantet tona në Ukrainë të rihapen, ku është e sigurt dhe e përgjegjshme për ta bërë këtë,” ka thënë zëvendëspresidenti i lartë, Paul Pomroy në një mesazh të postuar në faqen e internetit të firmës.

“Në muajt e fundit, besimi se kjo do të mbështeste një ndjenjë të vogël por të rëndësishme normaliteti është bërë më e fortë. Dhe zyrtarët ukrainas kanë këshilluar që bizneset që rifillojnë funksionimin do të mbështesin ekonominë lokale dhe popullin ukrainas.”

Analistët presin që lufta të shkaktojë një rënie ekonomike prej 35% ose më shumë në Ukrainë këtë vit, duke ndërprerë eksportet, duke shkatërruar infrastrukturën kryesore dhe duke detyruar të mbyllen mijëra biznese.

Në qershor, presidenti ukrainas Volodymyr Zelensky foli në një takim të liderëve të biznesit perëndimorë të organizuar nga Universiteti Yale dhe u kërkoi firmave të investojnë në vend.

Ai ka festuar gjithashtu rihapjen e dhjetëra ambasadave në Kiev, duke përfshirë atë të Mbretërisë së Bashkuar në prill.

McDonald’s tha se po punonte me furnitorët dhe kontraktorët për të siguruar që restorantet të ishin gati për rihapje.

KFC, Nike dhe Zara janë ndër markat e tjera perëndimore, dyqanet e të cilave raportohet se janë të hapura në vend.

McDonald’s gjithashtu pezulloi operacionet në Rusi në mars, dhe në maj ia shiti shumicën e restoranteve të tij ruse një të licencuari lokal.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika