Presidenti i Këshillit Evropian, Charles Michel, ka njoftuar se së bashku me shefin e politikës së jashtme të BE-së, Josep Borrell dhe me emisarët e tjerë, janë takuar sot me kryeministrin Kurti dhe presidentin Vuçiq.
Me anë të postimi në platformën “X”, Michel ka thënë se kthimi në normalizimin e marrëdhënieve ndërmjet Kosovës dhe Serbisë është thelbësor.
“Depërshkallëzimi dhe kthimi në normalizimin e marrëdhënieve ndërmjet Beogradit dhe Prishtinës është thelbësor”, ka shkruar Michel.
With @JosepBorrellF and EU colleagues, met with PM @albinkurti and then with @avucic. De-escalation and return to normalisation of relations between Belgrade and Pristina is essential.
I expect #EUCO to discuss further. pic.twitter.com/6rWXzSqqRp— Charles Michel (@CharlesMichel) October 26, 2023
Këtë të enjte, kryeministri i Kosovës, Albin Kurti, ka nisur takimet me udhëheqësit evropianë, në margjina të një samiti të BE-së në Bruksel.
Udhëheqësit evropianë janë takuar dhe me presidentin e Serbisë, Aleksandër Vuçiq.
Deri më tani nuk ka asnjë deklarim nga krerët e të dyja shteteve.