Transferimi më i ri i ekipit futbollistik të Chelseas, Kalidou Koulibaly e ka fituar respektin e fansave ende pa filluar sezoni i ri i Ligës së Anglisë.
Qendërmbrojtësi 31-vjeçar, i cili kaloi te Chelsea nga ekipi italian Napoli do ta bartë numrin 26 në fanellën e tij.
Por para se ta marrë konfirmimin nga klubi, Koulibaly dëshiroi që të sigurohet që ish-legjenda e Chelseas John Terry do të pajtohej me këtë kërkesë të tij.
Që nga dalja në pension e ish-mbrojtësit John Terry, numri 26 që barte ai nuk është përdorur nga asnjë lojtar tjetër.
Për këtë arsye, Koulibaly e ka kontaktuar Terry-n përmes telefonit për të kërkuar edhe nga ai konfirmimin,
“John doja të të pyesja diçka, sepse siç e di ti, unë kam luajtur me numrin 26 në Napoli dhe e shoh që, që kur u largove nga klubi, askush nuk e ka marrë 26-shin”.
📌 July 15th, 2022
Better call…@JohnTerry26 💙
Honored and Proud 🙏🏿#KK @ChelseaFC pic.twitter.com/uYeVA5y7PL— Koulibaly Kalidou (@kkoulibaly26) August 1, 2022
“Unë nuk e di nëse e keni ‘pensionuar’ atë apo nëse askush nuk dëshiron ta marrë atë, por doja t’ju pyesja nëse është e mundur ta marr unë?”, thotë Koulibaly gjatë bisedës telefonike.
Këto janë fjalët me të cilat i drejtohet Koulibaly ish-legjendës së Chelseas.
Ndërkaq, Terry përgjigjet menjëherë pozitivisht:
“Dëgjo, 26-ta ishte shumë e veçantë për mua,” tha ai.
“Po mik, e vlerësoj shumë që më telefonon dhe nuk është problem për mua që ti ta pranosh, kënaqësi absolute”, vijon Terry.
“Të uroj gjitha të mirat, sepse e di se sa i rëndësishëm ishte ky numër për mua dhe padyshim që ju kam parë edhe ju ta bartni numrin 26, kështu që është kënaqësi shoku im, unë ju jap 26-tën.”
Pasi u shpreh mirënjohës Koulibaly tha se kjo do të jetë një fanellë “e rëndë” për të luajtur, kurse Terry u përgjigj: “Pa presion mik, do të fitosh trofe për ne, mirë?”
Në vitin 2019, ish-kapiteni i Chelseat, Terry, zbuloi se e mbajti numrin 26 gjatë gjithë karrierës së tij, në mënyrë që tifozët të mos kishin nevojë të blinin fanella të tjera.
Këtë numër në sezonin e ri të Chelseas do ta bartë Koulibaly.