Trajneri Ismet Munishi ka thënë se sulmuesi kosovar, Mirlind Daku, ka nënshkruar kontratë tre vjeçare me skuadrën ruse, Rubin Kazan.
Sipas Munishit, vlera e transferimit është një milion euro e gjysmë.
”Rubin Kazani ka arritur marrëveshje me klubin e Mirlind Dakut. 3 vjet kontratë, vlera e transferimit është një milion euro e gjysmë. Ne këtë futbollist nuk e kemi ftuar në Kombëtare. Daku do të vazhdojë karrierën në Rubin Kazan, do t’i kalojë vetëm testet mjekësore. Kjo është ekskluzive,” tha ai.
Kujtojmë se Daku është pjesë e Osijek. Ai sezonin e kaluar ishte i huazuar te Mura, ku kishte shënuar 19 gola në elitën e futbollit slloven.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.