Ministria e Kulturës, Rinisë dhe Sportit ka ndarë çmimet vjetore për teatër, pikërisht, në ditën botërore të tij.
Juria e këtij viti përbëhej nga Majlinda Bregasi , Vlora Merovci Berisha, Qendresa Jashari, Afrim Spahiu dhe Kushtrim Mehmeti.
Mentor Zymberaj dhe Jeton Neziraj kanë marrë çmimin për prezantimin e suksesshëm ndërkombëtar.
“Duke marrë parasysh se ky çmim ka si kriter numrin e performancave dhe vlerësimet e suksesshme jashtë vendit, kandidatët kanë përmbushur të dyja këto kritere, njëri me numrin e performancave dhe tjetri me numrin e çmimeve nëpër konkurse ndërkombëtare, ndaj secili e meriton vlerësimin më të lartë nga shteti i tyre për prezantim ndërkombëtar”, tha kryetarja e jurisë, Majlinda Bregasi.
Përndryshe, 27 marsi njihet si Dita Botërore e Teatrit, që nga viti 1962 pas incinimit të saj në Kongresin e 9-të Botëror të Institutit Ndërkombëtar Teatror.