Në moshën 101 vjeçare, mori diplomën e shkollës së mesme

Në Amerikë, në vitet e ’30-ta, familja e Merrill Pittman Cooper ishte shumë e varfër, kështu djali Merrill nuk kishte mundesi ta vazhdonte shkollimin. Tani është 101 vjeç. Ai bëri një karrierë të shquar si një nga drejtuesit e parë të karrocave të zeza në Filadelfia, qytet në Pensilvani.

Por, kur ai ishte adoleshent  në vitet e ’30-ta, nëna e tij beqare ishte shumë e varfër për të paguar shkollimin e tij. Në vitin 1938, ai sapo kishte mbaruar vitin e parë të shkollës së mesme në Kolegjin Storer në Harpers Ferry, një konvikt i themeluar pas Luftës Civile që dikur shkollonte edhe fëmijë të skllavëruar.

Cooper tha se e kuptoi që nëna e tij punonte punë shtëpiake dhe nuk mund të përballonte pagesën e shkollimit për vitin e tij të fundit.

“Ajo punoi aq shumë, dhe gjithçka u bë aq e vështirë sa unë vendosa se do të ishte më mirë të hiqja dorë nga vazhdimi në shkollë,” tha ai.

Ai mori një punë në një dyqan veshjesh për femra në Filadelfia për të ndihmuar në pagesën e faturave, më pas u punësua në vitin 1945 si një operator i makinave të karrocave të qytetit.

Ai ishte krenar për karrierën e tij, por gjithmonë kishte një gjë që e shqetësonte, ai donte ta kishte mbaruar shkollën e mesme dhe të kishte marrë diplomën. Pasi priti më shumë se 80 vjet, Merrill Pittman Cooper më në fund mori diplomën e shkollës së mesme.

Tani më në fund ka mundur të realizojë ëndrrën e tij të përhershme. Për nder të tij, familja i organizoi një ceremoni diplomimi surprizë, më 19 mars të këtij viti, në një hotel në Jersey City. Sipas dhëndrit të tij, ishte një udhëtim i vështirë për një të ri me ngjyrë, i cili donte një arsimim më të mire.

Pasi Cooper veshi kapelën dhe fustanin e tij të diplomimit, një ceremoni virtuale u mbajt në dhomën e hotelit, në mënyrë që anëtarët e tjerë të familjes të mund ta shihnin atë aq të gëzuar.

Cooper-it iu prezantua diploma e tij nga mbikëqyrësi i Shkollave të Qarkut Jefferson, Bondy Shay Gibson-Learn, i cili udhëtoi nga Virxhinia Perëndimore për këtë rast.

“Nuk mund të mendoj për një ditë më të lumtur, edhe pse m’u desh një kohë e gjatë, jam shumë i lumtur që më në fund e kam atë që e doja gjithmonë ” tha Cooper për mediat ndërkombëtare, i cili tani shfaq diplomën e tij me kornizë në komodinën e dhomës së gjumit.

“Besoni se mundeni dhe jeni në gjysmë të rrugës” kështu duke e përfunduar sipas shkrimtarit amerikan i cili shërbeu si presidenti i 26-të, i Shteteve të Bashkuara.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika