Bllokuan fillimisht qarkullimin e veturave që të mos ja pengonin procesin.
Me të bërë këtë filluan punën që kamionët e djegur që kishin bllokuar rrugën alternative për në Zhazhë të Zveçanit të largoheshin nga rruga.
Për të ja lehtësuar punën vetës, larguan edhe dheun nga kamioni i djegur.
Barrikadat të cilat kanë bllokuar rrugën në “Përroin e Zhazhës” janë larguar një nga një nga KFOR
E për ta bërë edhe me të lehtë bartjen e këtij mjeti, pjesëtar të KFOR po kujdesën edhe të pastrojnë të mbeturat në kamion.
Në ndërkohë, me mjete pune po pastrojnë edhe rrugën pas largimit të njërit nga kamionët.
E krejt këtë proces po e vëzhgojnë edhe Policia e Kosovës.
Gjithë këtë aksion misioni paqeruajtës në Kosovë po e quan operacion inxhinierik.
“Misioni i KFOR-it po kryen operacione inxhinierike në veri të Kosovës për të hequr disa automjete të bllokuara në rrugë dhe për të rivendosur lirinë e lëvizjes në përputhje me mandatin e tij të OKB-së”, kanë thënë nga KFOR-i.
Më të kryer gjysmën e punës, këto forca të sigurisë liruan njërën korsi të rrugës në mënyrë që veturat të qarkullonin.
Para dy ditëve ishin larguar edhe barrikadat e tjera të djegura të vendosura në “Kërshin e Dudës”, proces I cili zgjati mbi pesë orë.
Përveç këtyre barrikade, të tjerat u larguan nga vetë ata që i vendosën.
Këto barrikada që bllokonin rrugët në Kosovën veriore i vendosën bandat kriminale serbe të cilat kundërshtuan në këtë formë arrestimin e ish-policit, Dejan Pantiq.