Kryetari i Prishtinës ka bërë të ditur se përkrahë marshin e “Liria ka Emër”,që do të mbahet të dielën (nesër) në mbështetje të ish-krerëv të UCK-së.
Me këtë mbështetje Rama, ka dalluar nga shefi i tij në LDK, Lumir Abdixhiku, i cili ende nuk është deklaruar se a do të marrë pjesë.
Pra, LDK-ja ende nuk ka dalë me një deklaratë, ndryshe nga partitë tjera – duke përshirë edhe atë në pushtet, VV-në – të cilat e kanë mbështetë këtë marsh.
- LVV-ja përkrah marshin e “Liria ka Emër”, në mbështetje të ish-krerëve të UÇK-së
- AAK në mbështetje të “Marshit për Drejtësi”
- Krasniqi me videoadresim, fton qytetarët të “Marshojnë për Drejtësi”
Rama këtë e bëri të ditur nëpërmjet një njoftimi në Facebook, duke shkruar se me besim të thellë se lufta e UÇK-së ishte e drejtë, marshojmë që t’i tregojmë publikut vendas e ndërkombëtarë se krimet ishin kryer nga aparatura serbe.
“Me besimin e thellë se lufta e UÇK-së ishte luftë e drejtë e lindur nga populli, marshojmë edhe që t’i rikujtojmë publikut vendas dhe atij ndërkombëtar se shumica dërrmuese e krimeve çnjerëzore të kryera gjatë kohës së luftës nga aparaturat shtetërore e paramilitare të Serbisë mbi popullsinë civile të Kosovës mbeten të pandëshkuara, e rrjedhimisht përqindja më e madhe e kryesve të atyre krimeve padrejtësisht të lirë. Prandaj, nesër #MarshojmëPërDrejtësi për viktimat e luftës!”, ka shkruar Rama.
Gjithashtu, nga radhët e LDK-së mbështetje ky marsh ka marrë edhe nga kryetari i Komunës së Obiliqit, Xhafer Gashi.