Nisin evakuimet pas shpërthimit të zjarreve të reja në Greqi

Qytetarëve në zonat përreth Volos dhe Lamia u është thënë të lëvizin drejt vendeve të sigurta pasi vendi mbetet në përballje me zjarret e reja

Urdhrat e evakuimit janë lëshuar për zonat afër dy qyteteve të Greqisë qendrore pas kërcënimit të shpërthimeve të reja të zjarreve

Qytetarëve në zonat përreth Volos dhe Lamia u është thënë të lëvizin drejt sigurisë pasi vendi mbetet nën kontrollin e një vale të fortë të nxehti.

Ndërkohë zjarret vazhdojnë të jenë prezente në ishujt Rodos, Korfuz dhe Evia.

Greqia është një nga një numër vendesh që aktualisht po përballet me zjarret, në të cilat kanë vdekur më shumë se 40 njerëz.

Në Rodos, ku është vendosur gjendja e jashtëzakonshme dhe nga ku mijëra turistë janë detyruar të largohen, erërat e forta kanë vazhduar të ndezin flakët dhe fshatrat mbeten në rrezik.

Disa zjarrfikës, të cilët prej ditësh po luftojnë me flakët, kanë filluar të humbasin shpresat.

“Çdo ditë, çdo natë, ne jemi këtu dhe nuk arrijmë asgjë”, tha Savas Filaderis, i cili është nga Rodosi, për agjencinë e lajmeve Reuters. “Ne nuk mund ta ndalojmë atë,” tha ai. “Të gjithë, të gjithë njerëzit, ata luftojnë. Njerëzit civilë, qeveria, ata janë por… për asgjë’.

Temperaturat pritet të mbeten të larta në ditët në vijim.

Në Italinë jugore, zjarret në Siçili dhe Pulia janë nxitur gjithashtu nga erërat e forta dhe bimësia e thatë, që do të thotë se zjarrfikësit kanë luftuar në shumë zona për të shuar flakët dhe për të krijuar shpërthime zjarri.

Kisha e Shën Benediktit të Maurit në qytetin sicilian të Palermos ishte ndër ndërtesat që janë shkatërruar nga zjarret.

Numri më i madh i vdekjeve deri më tani është në Algjeri , me më shumë se 30 viktima, duke përfshirë 10 ushtarë të rrethuar nga flakët gjatë një evakuimi në provincën bregdetare të Bejaia, në lindje të Algjerit.

Shumica e zjarreve tani janë vënë nën kontroll.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika