Në një lidhje direkte në emisionin ‘Rreth e Rrotull’ në RTV Dukagjini, Hazrolli ka dhënë detaje rreth organizimit për mbrëmjen e të shtunës, ku do të zhvillohen tetë meçe në ‘Munchen BMW Park’.
Ai ka thënë se kundërshtarët e boksierëve shqiptarë, Shefat Isufi dhe Sami Ahmeti, nuk janë aspak të lehtë.
”Do të jetë një mbrëmje e paharrueshme sepse edhe kundërshtarët nuk janë të lehtë. E kemi bërë me qëllim që ta bëjmë një mbrëmje të paharrueshme, jo mbrëmje që të themi vetëm po boksohet,” tha Hazrolli.
Tutje, organizatori Burim Hazrolli potencoi se boksierët janë në formë shumë të mirë.
”Ne presim nga boksierët tanë që të dalin të gjithë fitues. Janë në formë shumë të mirë, kanë stërvitur shumë mirë, kanë kaluar pa lëndime, çdo gjë ka shkuar në rregull,” tha Hazrolli.
Të shtunën e 9 shtatorit, ‘Profi Box Gala’ do të transmetohet ekskluzivisht në RTV Dukagjini.