Ministri i Punëve të Jashtme të Maqedonisë së Veriut, Bujar Osmani, ka thënë se ndjekin me shqetësim të madh situatën në veri të Republikës së Kosovës.
“Sulmi ndaj Policisë së Kosovës dhe Eulex-it si dhe gjitha aktet që çojnë në përshkallëzim të situatës janë të papranueshme”, ka shkruar Osmani.
Sipas ministrit të Punëve të Jashtme të Maqedonisë së Veriut, heqja e të gjitha barrikadave dhe vendosja e sundimit të ligjit është e domosdoshme.
Tutje Osmani ka theksuar se Inkurajojnë zgjidhje gjithëpërfshirëse në përputhje me ndërmjetësimin e BE-së dhe ShBA-së.