Pesë të dyshuarit për vepra terroriste dërgohen në Gjykatë

Pesë personat e arrestuar të hënën, nën dyshimin për kryerjen e veprave terroriste, tashmë janë dërguar në Gjykatën Themelore të Prishtinës

Pamje e të arrestuarve të dyshuar për kryerjen e akteve terroriste gjatë hyrjes në Gjykatë.

Pesë të dyshuarit, që u arrestuan të hënën, më 15 maj, nën dyshimin për vepra terroriste, të martën janë sjellë në pranga në Gjykatën Themelore të Prishtinës.

Policia e Kosovës kishte njoftuar se personat e arrestuar dyshohet se kanë kryer vepra terroriste.

Sipas njoftimit të Policisë së Kosovës, më 15 maj është kryer një aksion në gjashtë lokacione në rajonin e Pejës, të Prishtinës dhe të Gjilanit, ku janë arrestuar pesë të dyshuarit.

Ata dyshohet se kanë kryer veprat penale: “Shtytje në kryerjen e veprës terroriste” dhe mbajtje në pronësi, kontroll ose posedim të paautorizuar të armëve”.

Pamje e të arrestuarve të dyshuar për kryerjen e akteve terroriste gjatë hyrjes në Gjykatë.

Policia kishte identifikuar të arrestuarit përmes inicialeve të tyre: L.B., B.V., E.B., A.H. dhe A.S.

Megjithatë, Policia nuk dha detaje se kur janë kryer veprat e lartcekura.

Gjatë operacionit, sipas Policisë, janë sekuestruar prova dhe dëshmi që kanë të bëjnë me rastin, përfshirë tri revole, një armë automatike e llojit AK-47, një armë rekreative pneumatike, si dhe pajisje elektronike.

Të arrestuarit janë dërguar në ndalim policor prej 48 orësh.

Policia ka thënë, po ashtu, se të arrestuarit edhe më herët kishin qenë të përfshirë në vepra të tjera penale të kryera në rajonin e Pejës.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika