Policia e Kosovës, përmes raportit ditor, ka njoftuar për vdekjen e tre burrave në 24 orët e fundit. Këto tri raste kanë ndodhur në Prizren, Gjilan dhe Prishtinë.
Në raportin ditor thuhet se në kryeqytet, një burrë është gjetur në banesën e tij pa shenja jete.
Me vendim të prokurorit, trupi i pajetë është dërguar për obduksion në IML.
- Prishtinë NN. Raportohet se është gjetur pa shenja jete në banesën e tij viktima mashkull kosovar, vdekjen e të cilit e ka konstatuar mjeku kujdestar. Me vendim të prokurorit, trupi i pajetë është dërguar në IML për obduksion”, thuhet në raportin ditor.
Në raport thuhet se në Gjilan në mbrëmjen e të mërkurës është dërguar në Qendrën Emergjente një person, ndërsa vdekjen e tij e ka konstatuar mjeku kujdestar.
Trupi i viktimës është dërguar në IML për obduksion.
- Gjilan 21.08.2024-19:10. Është raportuar se viktima mashkull kosovar ishte dërguar në Qendrën Emergjente në Gjilan për shkak të gjendjes shëndetësore, mirëpo nga mjeku kujdestar ishte konstatuar vdekja e tij. Lidhur me rastin është njoftuar prokurori dhe me vendim të tij trupi i pajetë dërgohet në IML për obduksion”, vijoi raporti.
E në Prizren, Policia ka njoftuar se një burrë është gjetur pa shenja jete dhe ekipi mjekësor e ka konstatuar vdekjen e viktimës në vendin e ngjarjes.
- Prizren 21.08.2024-21:45. Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësite përkatëse, ndërsa ekipi mjekësor ka konstatuar vdekjen e viktimës. Me vendim të prokurorit , trupi i pajetë dërgohet në IML për obduksion.