Pula e pjekur është një recetë që preferohet nga shumica e njerëzve, dreka është vakti më i mirë për t’u shërbyer ky gatim. Ndërsa, salca mustarde i jep më shumë shije.
Përbërësit e nevojshëm për këtë ushqim janë:
- 2 lugë mjaltë;
- 2 lugë vaj ulliri;
- 1 pulë;
- 6 thelpinj të hudhrës;
- 2 lugë mustardë (senf);
- piper i kuq, piper i zi, kripë- sipas dëshires.
Përgatitja:
Së pari, duhet të ngrohet furra në 220 gradë. Në një enë ose dërrasë prerëse, lyhet pula me piper dhe kripë, pastaj vendoset në një enë pjekjeje të përmasave 20*30 cm.
Ndërsa, në një enë tjetër, përzihet mjalti, mustarda, piperi i kuq, vaji i ullirit dhe hudhra derisa të bashkohen mirë.
Lyhet pula me masën nga të dyja anët, piqet për 35 minuta derisa lëkura të jetë kërcelluese, hiqet nga furra që të sërvohet e nxehtë.
Ju bëftë mirë!