Raporti i Policisë: Një vdekje e dyshimtë, një i arrestuar për trafikim me njerëz

Policia e Kosovës, ka raportuar se të mërkurën në Komunën e Prishtinës, në rrethana të panjohura ka vdekur një person i gjinisë mashkullore.

Sipas raportit, viktima besohet të jetë alivanosur në një depo ku edhe ishte i punësuar, pas kësaj ai ishte dërguar në Qendrën Klinike Universitare të Kosovës (QKUK), ku edhe ka ndërruar jetë.

QKUK

“Raportohet se viktima mashkull në rrethana të pa njohur është alivanosur tek një depo dhe si pasojë, ka ndërruar jetë pasi është dërguar në QKUK”, thuhet në raport.

Me vendim të prokurorit, trupi i pa jetë është dërguar  në Institutin e Mjekësisë Ligjore (IML) për obduksion.

 I vdes nëna në shtëpi, djali ankohet se ndihma e shpejtë është vonuar

Të mërkurën në fshatin, Keqekollë të Komunës së Prishtinë, rreth orës dhjetë të mëngjesit, një grua ka ndërruar jetë në ambientet e shtëpisë së saj.

Sipas raportit të Policisë së Kosovës, djali i të ndjerës, është ankuar se edhe pasi që e ka thirrur ndihmën e shpejtë, ajo nuk ka mbërritur në kohë.

Autoambulanca

Ai pretendon se vdekja ka ndodhur si pasojë e vonesës së ekipit mjekësor.

“Ankuesi mashkull  kosovar  ka informuar se nëna e tij viktima femër  kosovare ka vdekur në shtëpinë e saj. Sipas ankuesit, dyshon se deri te vdekja e nënës së tij ka ardhur si pasojë që ndihma e shpejtë nuk ka dalë me kohë në vendin e ngjarjes”, thuhet në njoftim.

Me vendim të prokurorit, trupi i pa jetë i viktimës është dërguar në Institutin e Mjekësisë Ligjore (IML) për obduksion.

 Arrestohet një person nën dyshimin për trafikim me njerëz

Të mërkurën gjatë mesditës është arrestuar një person nën dyshimet për trafikim me qenie njerëzore.

Policia nuk ka dhënë më shumë detaje, vetëm se ka treguar që i dyshuari është duke u mbajtur në mbajtje deri në një vendim tjetër të prokurorit.

Rasti është ende duke u  hetuar.

Zjarrvënie në Godanc e Gllogoc, rreth 50 hektarëve ju vihet zjarri

 Të mërkurën rreth orës 20:30, është raportuar se rreth 50 hektarë sipërfaqe të malit janë djegur në fshatin Godanc e Gllogoc.

Sipas raportit të Policisë së Kosovës, njësitë policore dhe zjarrfikësit kanë dalë në vend të ngjarjes, duke u përpjekur ta ndalin zjarrin, por për shkak të terrenit të papërshtatshëm, kanë hasur në pengesa.

Ilustrim i zjarrit

Si pasojë e terrenit jo të mirë, zjarrfikësit nuk kanë mundur të intervenojnë me automjete, por janë detyruar që këtë ta bëjnë vetëm me pajisje dore.

Në raport të policisë nuk thuhet se cili ka qenë shkaktari i këtij zjarri.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika