Ditët e fundit është raportuar për rritje të luftimeve në rajonin e Donbas-it, i cili përbëhet nga Donetsk-u dhe Luhansk-u. Një pjesë e këtij territori kontrollohet nga separatistët e mbështetur nga Rusia, përcjell “BBC NEWS”.
Por, raporti i fundit i intelegjencës i Ministrisë së Mbrojtjes të Britanisë së Madhe, ka thënë se forcat ruse ende përballen me “sfida të konsiderueshme”.
![](https://www.portalid.com/wp-content/uploads/2022/04/RTS4OTZW.JPG.webp)
Ky raport thotë se “Rusia është detyruar të bashkojë dhe ridislokojë njësi të varfëruara dhe të ndryshme, nga përparimet e dështuara në veri-lindje të Ukrainës, dhe shumë nga këto njësi mund të vuajnë nga morali i dobësuar”.
Në lidhje me këtë rast, Ministria e Mbrojtjes ka thënë se “Rusia synon t’i korrigjojë çështjet që më parë kanë kufizuar pushtimin e saj, duke përqëndruar gjeografikisht fuqinë ushtarake, duke shkurtuar linjat e furnizimit dhe thjeshtuar komandën e kontrollin”.
![](https://www.portalid.com/wp-content/uploads/2022/04/2022-02-24T101927Z_1784176583_RC26QS90NW3T_RTRMADP_3_UKRAINE-CRISIS.webp)
Ministria e Mbrojtjes e Britanisë së Madhe ka shtuar se forcat ruse ende përballen me “mangësitë në koordinimin taktik” , “mungesë aftësie në nivel njësie” dhe “mbështetje të paqëndreshme ajrore”.