Punimet e samitit të 11-të të Brdo-Brijuni do të fillojnë këtë të hënë. Në këtë samit do të diskutohet për situatën në Ballkanin Perëndimor.
Pjesëmarrëse në këtë samit do të jetë dhe presidentja e Kosovës, Vjosa Osmani.
Njoftimi i lëshuar nga zyra e presidentit të Sllovenisë, Borut Pahor thotë se pjesëmarrjen në këtë samit e kanë konfirmuar presidenti i Kroacisë, Zoran Milanoviq, presidenti i Malit të Zi, Milo Gjukanoviq, tre anëtarë të presidencës së Be-së, Zheljko Komshiq, Milorad Dodik dhe Shefik Xhaferovic.
Në mesin e tyre janë dhe presidenti i Maqedonisë së Veriut, Stevo Pendarovski, presidenti serb, Aleksandar Vuçiq, dhe presidenti i Shqipërisë, Bajram Begaj.
“Takimi i liderëve në samitin e Brdo-Brijuni këtë herë do të jetë një mundësi për të vlerësuar situatën aktuale në rajon dhe mbi të gjitha për t’u bërë thirrje anëtarëve dhe institucioneve të Bashkimit Evropian që të përshpejtojnë procesin e zgjerimit. Udhëheqësit do të jenë gjithashtu në gjendje të shkëmbejnë pikëpamjet për çështje të tjera aktuale në një atmosferë joformale”, thuhet në njoftim.
Iniciativa e krijimit të samitit Brdo-Brijuni ishte vendosur në vitin 2010, e cila më pas është bërë iniciativa më e rëndësishme politike në Evropën Juglindore.