Ansambli Kombëtar i Këngëve dhe Valleve “Shota” gjatë ditës së martë ka publikuar albumin e saj të parë, me dhjetë këngë të stilit popullor në kuadër të aktiviteteve për shënimin e 15-vjetorit të Pavarësisë së Kosovës.
Këngët kontribuojnë në ringjalljen e folklorit si një segment i rëndësishëm kulturor si dhe ndihmojnë që përdorimi i instrumenteve tradicionale akustike të përcillet nga brezi në brez.
“Në album janë të përfshirë këngëtarë të ansamblit dhe bashkëpunëtorë të tij, si Majlinda Cikaqi, Violetë Kukaj, Liridon Sadriu, Edi Furra, Hysni Klinaku, Granit Musliu, Riza Bytyçi, Mirvete Bajrami, Zana Abazi, si dhe incizimi i fundit i këngëtarit të ndjerë, Ismet Bogujevci,” thuhet në njoftimin e Ministrisë së Kulturës.