Gjatë ditës së sotme [e mërkurë] do të zhvillohet ndeshja mes Kombëtares së Shqipërisë dhe asaj të Kroacisë, duke filluar nga ora 15:00 në stadiumin “Volkspark” në Hamburg.
Formacionet zyrtare janë publikuar nga dy selektorët e Kombëtarëve, ku trajneri i shqiptarëve, Sylvinho ka bërë dy ndryshime nga ndeshja me Italinë, duke inkuadruar Qazim Laçin dhe Rey Manajn në vend të Taulant Seferit dhe Armando Brojës.
Shqipëria: Strakosha; Hysaj, Ajeti, Gjimshiti, Mitaj; Asllani, Ramadani, Laçi; Asani, Manaj, Bajrami;
Kroacia: Livakovic, Juranovic, Sutalo, Gvardiol, Perisic, Modric, Brozovic, Kovacic, Majer, Petkovic dhe Kramaric/
Ndryshe, Kroacia ka humbur ndeshjen e parë nga Gjermania, gjithashtu edhe Shqipëria ka humbur nga Italia.
Po ashtu, sot do të zhvillohen edhe dy ndeshje të tjera në kuadër të Kampionatit Evropian.
Gjermania do të ndeshet me Hungarinë në orën 18:00, ndërsa Zvicra me Skocinë në orën 21:00.
Sa i përket mbështetjes së ekipit kombëtar të Shqipërisë, edhe kryeministri i Kosovës, Albin Kurti, sot do të jetë në stadiumin e Hamburgut për ta përcjellë nga afër ndeshjen e “Euro 2024” mes Shqipërisë dhe Kroacisë, e cila luhet nga ora 15:00.
Kurti sot përcjell ndeshjen Shqipëri – Kroaci në stadiumin e Hamburgut