Gjatë mesnatës një ngjarje e rëndë ka ndodhur në Shkodër.
Një shtëpi u shkrumbua nga flakët, pasi zjarri thuhet të ketë rënë aksidentalisht.
“Ngjarja ka ndodhur rreth orës 02:10 në lagjen “Zogaj”, ku dyshohet se zjarri ka rënë aksidentalisht në banesë. Pronari i shtëpisë J.Ç 52 vjeç nuk ka arritur të dilte në kohë nga banesa, ku si pasojë e plagëve të marra ka humbur jetën,” raporton TopChannel.
Bashkëshortja e 52 vjeçarit ka arritur të dalë nga vendngjarja duke shpëtuar pa dëmtime.
Ndërsa, grupi hetimor nën drejtimin e Prokurorit po punon për përcaktimin e shkakut të rënies së zjarrit.