Ministri i Punëve të Brendshme, Xhelal Sveçla, ka njoftuar se me ftesë të Federatës së Çiklizmit të Kosovës dhe grupit “Marakli t’Biciklave” kanë bërë rrugën nga Bërnjaku deri te Tuneli i Mitrovicës.
Sveçla ka thënë se këtë e kanë bërë me ministrin Elbert Krasniqi, zëvëndësministren Daulina Osmani, drejtorin e Përgjithshëm të Policisë Gazmend Hoxha, deputeten Fitore Pacolli.
“Në nderim të Heroit Enver Zymeri, në vendin ku ai ra dhe gjindet pllaka përkujtimore bëmë një minutë heshtje”, ka thënë Sveçla.
Ministri ka thënë se sakrifica e tij dhe heroit Afrim Bunjaku e kanë bërë “të mundur që ne të shijojmë këtë aktivitet dhe bukuritë natyrore të Liqenit të Ujmanit dhe maleve përreth”.