Të premten, Tevide Imeri është zgjedhur kryetare e Federatës Sindikale së Shëndetësisë së Kosovës.
Përmes një komunikate për media, FSSHK ka njoftuar se në pozitën e nënkryetarit do të jenë Bajram Kryeziu dhe Blerim Delija, ndërsa Naim Sahiti do të jetë kryetar i Këshillit Drejtues.
Gjithsej, për zgjedhjen e udhëheqësisë së re të federatës kanë votuar për 111 delegatë, asnjë kundër dhe asnjë nuk ka abstenuar.
“Kongresi i FSSHK-së mbylli punimet pas miratimit të rezolutave nga ana e delegatëve të pranishëm: Rezoluta mbi migrimin e punëtorëve, Rezoluta për Komitetin e Gruas, Rezoluta për Komitetin Rinor”, thuhet në njoftimin për media.
Javën e ardhshme, Imeri do ta pranojë detyrën nga Blerim Syla, tashmë ish-udhëheqësi i FSSHK-së.
Mandati i kryetarit të FSSHK-së është pesëvjeçar.