“The last days of Immanuel Kant”, ShFK shënon 300-vjetorin e lindjes së filozofit gjerman

“Viti i Kantit” e kanë cilësuar vitin 2024, Shoqata e Filozofëve të Kosovës(ShFK) në bashkëpunim me Departamentin e Filozofisë së Universitetit të Prishtinës në nder të filozofit të madh gjerman, Immanuel Kant.

‘Viti i Kantit’ hapet me shfaqjen e filmit “The Last Days of Immanuel Kant” në ditën kur shënohet ditëlindja e 300-të e filozofit gjerman.

Filmi do të shfaqet në Modelariumin e Fakultetit e Arkitekturës, të hënën e 22 prillit, me fillim nga ora 18:00.

Në këtë event do të marrë pjesë edhe ambasadori gjerman në Kosovë, Jorn Rohde.

Gjithashtu, në tetor, me rastin e Ditës Botërore te Filozofisë, ShFK dhe Departamenti i Filozofisë do të organizojnë konferencë ndërkombëtare kushtuar filozofit gjerman, Immanuel Kant.

Për 300-vjetorin e lindjes së Kantit ka shkruar edhe kryeministri Albin Kurti, i cili ka bërë një reflektim mbi rëndësinë e vizionit të Kantit për një federatë globale të republikave.

Në një kohë kur demokracitë në botë po kërcënohen nga agresioni autokratik, Kurti thekson se teoria e Kantit ka një rëndësi të veçantë.

Kant, i njohur për kontributin e tij të madh në filozofinë perëndimore, ka argumentuar se paqja e përhershme mund të arrihet vetëm nëpërmjet një federate globale të republikave.

Kurti, duke përkujtuar këtë vizion, shprehet se rruga më e sigurt drejt paqes së përhershme është demokracia.

“Sot është 300-vjetori i filozofit të madh gjerman Immanuel Kant. Ndërsa demokracitë kërcënohen gjithnjë e më shumë nga agresioni autokratik, vizioni i tij për një federatë globale të republikave nuk ka qenë kurrë më i rëndësishëm dhe i nevojshëm.

Rruga më e sigurt drejt paqes së përhershme është demokracia”, ka shkruar Kurti në X.

 

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika