Ulet çmimi i grurit në nivelet e muajit shkurt, kohë kur lufta Rusi-Ukrainë nuk kishte nisur. Pas marrëveshjes së arritur në Turqi mes Moskës dhe Kievit për t’i hapur rrugë eksporteve të sigurta në botë janë ulur çmimet. Në uljen e çmimeve përfshihet dhe çmimi i grurit, këtij të fundit çmimi i është ulur në nivelet e muajit shkurt.
Rusia dhe Ukraina kanë vendosur të kenë veçmas marrëveshje me Turqinë, për të hapur në këtë mënyrë rrugët e sigurta në Odesa dhe dy porte të tjera që kontrollohen nga Ukraina.
Ulja e çmimit të grurit, i cili është dyfishuar në mars ka pritshmëri që të ndikojë në uljen e çmimeve të produkteve të tjera ushqimore.
Rusia dhe Ukraina së bashku prodhojnë rreth një të tretën e grurit që eksportohet rreth 60 milionë, nga 200 milionë tonë dhe zhbllokimi i rrugës tregtare në zonat e luftës është i rëndësishëm për tregun botëror.
Ukraina dhe Rusia nënshkruajnë marrëveshje për të rifilluar eksportet e drithërave